Strand - by Over-Bored.de
merry christmas! (:

heyho.

wah, ech ben ganz nydisch of euche schnee mer hend geschtr zwar kei schuel gha wells yysig xy esch, aber schnee hemmr scho keine meh :/ bäh. dför han ech letscht woche chönne i t-shirt ond shorts omelaufe, ohni dass ech mech de gfahr z'erfrüre usxetzt han :D (ech wette, uf das send EHR nydisch, hm? :P)

jaa.. letscht samschtig han ech dörfe ganz früeh ufschtoh, 0530 s’huus vrloh, ond an floghafe fahre.. denn metm flugi nach cincinnati flüge, womr zerscht mal betzli vom schnee öberrascht worde send ond drom chly verschpötig gha hend.. denn wyter nach vegas (: ond s’erscht womr xeht wemr usm flugzüg chond: slot maschene :D haha. Nuu.. denn semmr mal is hotel ond hend ned wörkli vell gmacht, wellmr zo de erschte ghört hend wo aacho send (hostmum esch en yfu-mönsch = chaperone ufm trip) am obig semmr denn aber no betzli in las vegas omegfahre ond fremont street entlang gloffe (das esch son öberdachti schross ond all schtond gets en videoshow wo a die decki projeziert wird) ond i eim casino („the golden nugget“ what else?) hets s’grööschte gold-nugget vo de wält usgschtellt gha ond s’het en pool metre rotschbahn wo dor es hai-aquarium füehrt (ja, ech chans ned so guet erkläre.. aber s’het kuul usxeh :D)

am sonntig semmr öber de hoover dam zom grand canyon gfahre ond.. wuuh. Hammer (: es het der so en plattform (genannt skywalk) wo us glas esch ond wennmr det droff esch schtohtmr zmetzt ufm/im grand canyon esch chly ongwohnt, wennmr muess gäg abe luege, zom vögel xeh :P am obig semr inen mall (harr. D’decki esch so bemolt xy, dasses usxeht wie de hemmel..) go brasilianisch ässe ond nachr go en wassershow plus es hotel (bellagio) aagüxle..

mäntig hemmr betzli länger dörfe schlofe ond hend denn eigentli de ganz tag dmet vrbrocht i verschedni casino/hotels z’luege (venetian (mini-venedig), caesar’s palace, luxor (met pyramide ond sphinx), new york new york (met mini-freiheitsstatue ond rollercoaster), excalibur (schloss), paris (met mini-eiffeltorm) dje schtadt esch eifach sooo fake.) ond am obig semr go en show luege („american superstars“ – fake elvis, fake christina aguilera, fake michael jackson, fake cowboy-western-sänger, fake rod stewart) i de stratosphäre.. so es tormartigs gebäude metre chogle ofm schpetz :D ond det hets es paar rides (mini-roller coaster) womr eigentli hätted welle mache, aber denn hets so fescht gwendet, dass sie gschlosse xy send

am zischtig eschs denn wytrgange nach los angeles.. also hemmr de gröscht teil vom tag em bus verbrocht. Am obig semmr an santa monica pier/3rd street ond hend im bubba gump z’nacht ggässe (forrest gump?)

am mettwoch semr betzli in LA omegfahre, denn nach venice beach ond zom farmer’s market go z’mettag ässe. Am nomitag hemmr hollywood ond the walk of fame ond d’fuessabdröck ond blah agluegt ond schpöter hemr au no de rodeo drive ond beverly hills xeh

de donschtig hemmer fascht ganz i de universal studios verbrocht ond am obig/nacht semr no zomne ussechtsponkt womr LA betzli het chönne öberblecke. Joah.

Ond am fritig eschs heigange :/ zerscht vo LA nach atlanta, ond denn vo det us wytr nach columbus

Am sonntig semmr met de yfu-lüüt in columbus zoo, wells det öberall liechter ufghänkt hend.. schön kitschig :P denn hani mäntig/zischtig schuel gha ond denn eigentli ferje, well ech kei mid term exams muess schrybe (dje send mettwoch, donschtig ond fritig) aber well ech letscht woche so vell vrpasst han, beni höt glych gange, zom teschts nocheschrybe ond föteli entweckle :D aye, ond mer hend höt oise wiehnachtsbaum ufgschtellt! Chch.

Fiona: i’ve never had christmas with a tree like this – we always have.. a real tree.

Tricia: i can NOT justify killing a living tree just for a few days ... (and so on.)

Haha.

18.12.08 20:22
 


bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)



 Smileys einfügen


Gratis bloggen bei
myblog.de


Navi

now
before
away (:

she.

guestbook
archive

Layout © by

Over-Bored.de